AMAxc BLOG: AFISA>> PCCB AFARIKI KWA AJALI MBAYA YA GARI NJIANI AKIELEKEA KUTANGAZA NIA YA KUGOMBEA UBUNGE HUKO NJOMBE!!!!!

AFISA wa Taasisi ya Kuzuia na Kupambana na Rushwa, PCCB, Conrad Mtenga (53) maarufu kama Chillangamsafa amefariki katika ajali kwenye barabara kuu ya Mbeya-Iringa.
Watu wawili wamejeruhjiwa kwenye ajali hiyo iliyotokea eneo la Tanangozi, baada ya gari dogo aina ya Nissan Patrol, mali ya AfriCarriers, kugongana uso kwa uso na Lori aina ya Scania.
Akithibitisha kutokea kwa tukio hilo kaimu kamanda wa polisi mkoa wa Iringa Pudenciana Protas alisema kuwa tukio hilo lilitokea juzi majira ya saa 8:30 mchana eneo la Tanangozi barabara kuu ya Iringa- Mbeya
Kamanda Ptotas alisema kuwa gari hiyo yenye namba za usajili T.291 BNK aina ya Nisan Patrol mali ya Africafrie’s Ltd ya Jijini Dar es salaam ilikuwa ikiendeshwa na Conrad Mtenga (53) maarufu kwa jina la Chillangamsafa ambaye ni mfanyakazi wa PCCB na mkazi wa chunya. Alisema kuwa gari hiyo iligongana na gari aina ya Scania yenye namba T.783 ATQ ambayo ilikuwa ikiendeshwa na dereva Henry Lulandala ( 35) na kusababisha kifo cha dereva huyo.
Majeruhi walitajwan kuwa ni pamoja na Baraka Zakayo na Rebeca Mtenga, wote wamelazwa hospitali ya rufaa ya mkoa wa Iringa. Kaimu kamanda huyo wa polisi alisema, uchunguzi wa awali unaonyesha derive wa gari dogo alihama kutoka upande wake na kumfuata mwenye gari kubwa na hivyo kugongana uso kwa uso.
Marehemu Conrad Mtenga
Mabaki ya garti dogo aina ya Nissan Patrol, baada ya ajali hiyo